0
Saturday 14 Dec 2019 20:13

حضور سرور کائنات کی حیات طیبہ ہمارے لیے نمونہ عمل ہے، فائزہ نقوی

حضور سرور کائنات کی حیات طیبہ ہمارے لیے نمونہ عمل ہے، فائزہ نقوی
اسلام ٹائمز۔ جمعیت علمائے پاکستان شعبہ خواتین کی مرکزی صدر سیدہ فائزہ نقوی کی زیر صدارت جشن میلادالنبی کا مرکزی سیکرٹریٹ میں اہتمام کیا گیا، جس میں حضور سرور کونین کی شان اقدس میں ہدیہ درود و سلام اور نعت و منقبت کے ذریعے شان رسالت میں نذرانہ عقیدت پیش کیا گیا۔ جشن میلادالنبی سے جے یو پی شعبہ خواتین کی مرکزی سیکرٹری جنرل شمسہ قادری، پنجاب کی صدر ڈاکٹر طاہرہ چشتی، صوبائی جنرل سیکرٹری حمیرا بیگ اور دیگر مقررین نے خطاب کرتے ہوئے کہا کہ اسوہ رسول پر عمل کرکے ہم اپنی زندگی بہتر بنا سکتے ہیں۔

فائزہ نقوی کا کہنا تھا کہ حضور سرور کائنات کی حیات طیبہ ہمارے لیے نمونہ عمل ہے، آج کے دور میں انسان کی بے راہ روی اور مشکلات کا باعث اسلامی تعلیمات سے دوری ہے، ہمیں قرآن کا پیغام اپنی آئندہ نسلوں تک پہنچانے کیلئے خود بھی نمونہ بننا پڑے گا، آج مسلمانوں کی بے حسی کے باعث فلسطین اور کشمیر کے مسلمان یہود و ہنود کی قید میں مجبور زندگی بسر کر رہے ہیں۔
خبر کا کوڈ : 832620
رائے ارسال کرنا
آپ کا نام

آپکا ایمیل ایڈریس
آپکی رائے

ہماری پیشکش