اسلام ٹائمز۔ وفاقی وزیر ہوا بازی غلام سرور خان نے اسلام آباد میں میڈیا سے گفتگو کرتے ہوئے کہا ہے کہ مولانا فضل الرحمن جو استعفیٰ لینے کے بغیر جانے پر کسی صورت راضی نہ تھے، ان کا پورا دھرنا صرف ایک چٹ ملنے کے بعد ہی ختم ہوا ہوگا، جس میں لکھا تھا کہ اب بہت ہوگیا یہ ختم کریں۔ وفاقی وزیر کا کہنا تھا کہ یہ اسی کے پالتو ہیں جس کے نواز شریف اور فیملی ہیں۔ اسلام آباد میں میڈیا سے گفتگو کے دوران وفاقی وزیر کا کہنا تھا کہ تاریخ اٹھا کر دیکھ لیں نواز شریف کیخلاف جب بھی کوئی کارروائی ہوئی، بھارت نے پاکستان کے خلاف بلااشتعال فوجی کارروائی شروع کی۔ انکا کہنا تھا کہ بھارت برملا کہتا ہے کہ نواز شریف پر ہم نے انوسٹمنٹ کی ہوئی ہے۔