مل کر بھارتی عزائم کیخلاف حکمت عملی مرتب کرنی چاہیے، مشتاق منہاس

اسلام ٹائمز۔ آزادکشمیر کے وزیر اطلاعات و سیاحت راجہ مشتاق احمد منہاس نے کہا ہے کہ تمام سیاسی جماعتوں کو مل کر بھارت کے جارحانہ عزائم روکنے کے لئے قومی حکمت عملی مرتب کرنی چاہئے۔ ہندو توا کے نظریے کو شکست دینے کے لئے اتحاد وقت کی اہم ضرورت ہے۔ بھارت کے تمام تر ظلم و جبر کے باوجود کشمیریوں نے کبھی اس کے جابرانہ قبضے کو تسلیم نہیں کیا۔ وزیر اطلاعات نے ان خیالات کا اظہار ایک انٹرویو میں کیا۔ انہوں نے کہا کہ بھارت الحاق کی جو دستاویز پیش کرتا ہے وہ جعلی اور تاریخی حقائق کے خلاف ہیں۔