پرویز مشرف کی لاش کو چوک پر لٹکانے کی بات قانونی اور شرعی لحاظ سے غلط ہے، مفتی محمد نعیم

اسلام ٹائمز۔ جامعہ بنوریہ کے مہتمم اور معروف دیوبند عالم دین مفتی نعیم نے کہا ہے کہ پرویز مشرف کی لاش کو چوک پر لٹکانے کی بات قانونی اور شرعی لحاظ سے غلط ہے۔ نجی ٹی وی سے گفتگو کرتے ہوئے مفتی نعیم نے کہا کہ مشرف کے خلاف تفصیلی فیصلہ ذاتی اختلاف اور انتقامی بنیاد کا لگتا ہے۔ مفتی نعیم نے کہا کہ لگتا ہے جج نے مشرف کے خلاف فیصلہ ذاتی عناد کی بنیاد پر کیا ہے، لاش کو چوک پر لٹکانے کی بات اخلاقی، قانونی اور شرعی لحاظ سے غلط ہے۔ ممتاز عالم دین نے کہا کہ لاش چوک پر لٹکانے کی سزا ہمارے موجودہ قانون میں بھی نہیں، فیصلے میں ذاتی عناد واضح طور پر نظر آرہا ہے۔