نیب ترمیمی آرڈیننس کے بعد حکومت کا بلاتفریق احتساب کا نعرہ کھوکھلا ہو جائیگا، جنرل ریٹائرڈ امجد شعیب

نجی ٹی وی پروگرام میں بات کرتے ہوئے امجد شعیب کا کہنا تھا کہ نیب کے اختیارات بھی محدود کر دیئے گئے ہیں تو آپ کس طرح احتساب کریں گے۔ سینئر تجزیہ کار ڈاکٹر شاہد مسعود کا کہنا تھا کہ سابق صدر جنرل (ر) پرویز مشرف کے دور حکومت میں 2007ء میں جو این آر او ہوا تھا، وہ نیب آرڈیننس میں ہی تبدیلیاں تھیں۔ ان کا کہنا تھا کہ 2007ء میں لائے گئے نیب آرڈیننس کو سپریم کورٹ نے 2010ء میں ختم کر دیا تھا۔ ڈاکٹر شاہد مسعود نے کہا کہ نون لیگ اور پیپلز پارٹی نے میثاق جمہوریت کے تحت ایک دوسرے کا احتساب نہیں کیا لیکن اس حکومت نے تو اس معاملے کو قانونی تحفظ دے دیا ہے۔