اسلام ٹائمز۔ متحدہ قومی موومنٹ پاکستان کے رہنما اور رکن سندھ اسمبلی خواجہ اظہار الحسن نے کہا ہے کہ وزیراعظم عمران خان کو نوٹس لینا چاہیئے کہ ان کے اتحادی ان سے مایوس ہو رہے ہیں۔ خصوصی گفتگو کرتے ہوئے انہوں نے کہا کہ سندھ کے مسائل وزارتوں سے نہیں، بلدیاتی نظام صحیح کرنے سے حل ہوں گے۔ انہوں نے کہا کہ وفاق سے رشتہ توڑنا اور صوبائی حکومت سے وزارتیں لینا تجارت ہے، پیپلز پارٹی فارمولہ دے وزارتیں نہیں، وفاقی حکومت نے وعدے پورے نہیں کئے۔