اسلام ٹائمز۔ کشمیریوں سے اظہار یکجہتی کے لئے اٹک میں ریلی منعقد کی گئی، ریلی کے شرکاء نے بینرز اور پلے کارڈز اٹھا رکھے تھے جن پر کشمیریوں سے یکجہتی کے نعرے درج تھے، ریلی کے شرکاء کشمیر بنے گا پاکستان، مودی کا جو یار ہے غدار ہے، غدار ہے، کشمیریوں سے رشتہ کیا کے نعرے لگا رہے تھے۔ اے سی جنت حسین نیکوکارہ نے خطاب کرتے ہوئے کہا کہ کشمیری عوام کو بھارت زیادہ عرصہ ظلم اور جبر سے دبا نہیں سکتا، کشمیر ہماری شہ رگ ہے اس کے بغیر پاکستان نامکمل ہے، ہمارے دل کشمیریوں کے ساتھ دھڑکتے ہیں۔