اسلام ٹائمز۔ پاراچنار اور ملحقہ علاقوں میں سیزن کی پہلی برفباری کا سلسلہ شروع ہوگیا ہے، جس سے علاقے کی حسن میں مزید نکھار آگیا ہے، نوجوان برفباری کو انجوائے کرنے کیلئے سیاحتی مقامات کا رخ کر رہے ہیں۔ برفباری سے علاقے نے سفید چادر اوڑھ لی ہے، نوجوان سیزن کی پہلی برفباری کے حسین مناظر کو کیمرے کی آنکھ میں محفوظ کررہے ہیں۔ برفباری سے جہاں علاقے کے حسن میں نکھار آگیا ہے، وہاں غریب عوام کے مشکلات میں بھی اضافہ ہوگیا ہے۔ دور دراز پہاڑی علاقوں میں آمد و رفت کے راستے بند ہوگئے ہیں اور بجلی کی بندش کے باعث روزمرہ کے معمولات شدید متاثر ہوگئے ہیں جبکہ سوختنی لکڑی کی قیمتوں میں ہوشربا اضافے سے عوام شدید مشکلات سے دو چار ہوگئے ہیں۔