اسلام ٹائمز۔ آزادکشمیر کے صدر سردار مسعود خان نے کہا ہے کہ قلم، کمپیوٹر اور کیمرا کی طاقت کو کشمیریوں کی آواز دنیا تک پہنچانے اور معاشرے سے برائیوں کے خاتمہ کے لئے استعمال کیا جانا چاہیے۔ مقبوضہ جموں و کشمیر میں جو کچھ ہو رہا ہے اسے بے نقاب کرنا مقامی، علاقائی، قومی اور بین الاقوامی میڈیا کی بنیادی ذمہ داری ہے۔ ان خیالات کا اظہار انہوں نے سینٹرل پریس کلب مظفرآباد کے نومنتخب عہدیداروں کے نام مبارکباد کے پیغام میں کیا۔