اسلام ٹائمز۔ پنجاب کے صوبائی اطلاعات و نشریات فیاض الحسن چوہان نے مسرت جمشید چیمہ کو اپنا میڈیا ایڈوائزر مقرر کردیا ہے۔ تفصیلات کے مطابق مسرت جمشید چیمہ کی تقرری کا باقاعدہ نوٹی فکیشن جاری کردیا گیا ہے، وہ پاکستان تحریک انصاف کی رکن پنجاب اسمبلی ہیں۔ واضح رہے کہ مئی 2019ء میں پاکستان تحریک انصاف کی رکن اسمبلی مسرت جمشید چیمہ پنجاب اسمبلی کی قائمہ کمیٹی برائے داخلہ کی بلا مقابلہ چیئرپرسن منتخب ہوئی تھیں۔