0
Monday 6 Jan 2020 23:23

مصطفی کمال نے کراچی کو بنایا تھا اور انکی قیادت میں ہی کراچی کے مسائل کو حل کیا جا سکتا ہے، پی ایس پی

مصطفی کمال نے کراچی کو بنایا تھا اور انکی قیادت میں ہی کراچی کے مسائل کو حل کیا جا سکتا ہے، پی ایس پی
اسلام ٹائمز۔ پاک سرزمین پارٹی کے زیر اہتمام نارتھ ناظم آباد ٹاؤن میں بلدیاتی امیدواروں و پولنگ ایجنٹس سے ملاقات کے لئے ایک تعارفی پروگرام منعقد کیا گیا۔ جس میں اراکین نیشنل کونسل نائلہ منیر، ناہید بیگم اور انچارج ڈسٹرکٹ سینٹرل عبداللہ شیخ سمیت نارتھ ناظم آباد ٹاؤن کے مختلف ذمہ داران و کارکنان نے شرکت کی۔ پی ایس پی کے مرکزی رہنماؤں عبداللہ شیخ، نائلہ منیر اور ناہید بیگم نے پولنگ ایجنٹس و بلدیاتی امیدواروں سے خطاب کرتے ہوئے کہا کہ سید مصطفیٰ کمال نے کراچی کو بنایا تھا اور انکی قیادت میں ہی کراچی کے مسائل کو حل کیا جا سکتا ہے، نیز اسی طرز پر ملک بھر میں عوامی مسائل حل کرکے عوام کے معیار زندگی کو بہتر بنایا جاسکتا ہے، عوام نے تمام سیاسی جماعتوں کو آزما لیا، اس لئے اب پی ایس پی کو ایک موقع دے کیونکہ اس وقت ملک بھر میں سید مصطفیٰ کمال جیسی نوجوان، باکردار، تجربہ کار، باصلاحیت اور حق گو قیادت موجود نہیں۔ اس موقع پر ناظم آباد کی مختلف یوسیز میں جاری عوامی رابطہ مہم پر یوسی انچارجز سے بریفننگ لی گئی اور بلدیاتی امیدواروں سمیت پولنگ ایجنٹس کے لئے ورکس شاپس کے جلد انعقاد کا عندیہ دیا گیا۔
خبر کا کوڈ : 836930
رائے ارسال کرنا
آپ کا نام

آپکا ایمیل ایڈریس
آپکی رائے

ہماری پیشکش