اسلام ٹائمز - پشاور میں کم سن بچوں نے کنچے کھیلتے ہوئے دوست کی جان لے لی

پشاور میں کم سن بچوں نے کنچے کھیلتے ہوئے دوست کی جان لے لی

پولیس نے واقعے کے بعد کارروائی کرتے ہوئے دونوں بچوں کو حراست میں لے لیا۔ دونوں بچوں نے ابتدائی تفتیش کے دوران جواد کو کھیل کھود کے دوران تیز دھار آلہ کے پے در پے وار کر کے قتل کرنے کا اعتراف کر لیا ہے، بچوں کے خلاف مقدمہ بھی درج کرلیا گیا ہے۔

اسلام ٹائمز۔ صوبائی دارالحکومت پشاور میں متھرا کے علاقے میں 2 بچوں نے کنچے کھیلنے کے دوران لڑائی میں اپنے ہی دوست کی جان لے لی۔ ایس ایس پی آپریشن ظہور بابر آفریدی کے مطابق 10 سالہ جواد اپنے 2 دوستوں کے ساتھ جن کی عمریں 10 سے 12 سال کے درمیان تھیں کنچے کھیل رہا تھا، تاہم تینوں بچوں کی آپس میں لڑائی ہوئی اور قریب موجود تیز دھار آلے سے دونوں بچوں نے 10 سالہ جواد کو شدید زخمی کردیا، جواد کو فوری طور پر طبی امداد کیلئے ہسپتال منتقل کیا گیا، تاہم وہ زخموں کی تاب نہ لاتے ہوئے دم توڑ گیا۔ پولیس نے واقعے کے بعد کارروائی کرتے ہوئے دونوں بچوں کو حراست میں لے لیا۔ دونوں بچوں نے ابتدائی تفتیش کے دوران جواد کو کھیل کھود کے دوران تیز دھار آلہ کے پے در پے وار کر کے قتل کرنے کا اعتراف کر لیا ہے۔ پولیس نے بچوں کے قبضے سے تیز دھار آلہ برآمد کر کے بچوں کے خلاف مقدمہ بھی درج کرلیا ہے۔