QR CodeQR Code

ایم کیو ایم کے کنوینر خالد مقبول صدیقی نے وفاقی وزارت چھوڑنے کا اعلان کردیا

12 Jan 2020 16:10

کراچی میں میڈیا سے بات کرتے ہوئے وفاقی وزیر نے کہا کہ ہم نے حکومت سے کیا گیا اپنا وعدہ پورا کیا، ہم بہت انتظار کرتے رہے کہ حکومت کی کچھ مصروفیات ہوسکتی ہے، لیکن ہمارے ایک نکتے پر بھی پیش رفت نہیں ہوئی، پہلے تجربے کی کمی سمجھتے رہے لیکن اب لگتا ہے سنجیدگی ہی نہیں۔


اسلام ٹائمز۔ ایم کیو ایم پاکستان کے کنوینر ڈاکٹر خالد مقبول صدیقی نے وفاقی وزارت چھوڑنے کا اعلان کردیا۔ کراچی میں میڈیا سے بات کرتے ہوئے خالد مقبول صدیقی کا کہنا تھا کہ 2018ء میں عام انتخابات میں جو نتائج آئے وہ ایم کیو ایم مکمل طور پر تسلیم نہیں کرتی تھی، نتائج تسلیم نہ کرنے کے باوجود جمہوری عمل کو مستحکم کرنے کے لئے حمایت کی، ہم نے وعدہ کیا تھا حکومت بنانے سمیت ہر مشکل میں ساتھ دیں گے، جہانگیر ترین آئے تھے اور ان ہی کی موجودگی میں معاہدوں پر دستخط ہوئے۔

خالد مقبول صدیقی کا کہنا تھا کہ ہم نے حکومت سے کیا گیا اپنا وعدہ پورا کیا، ہم بہت انتظار کرتے رہے کہ حکومت کی کچھ مصروفیات ہوسکتی ہے، لیکن ہمارے ایک نکتے پر بھی پیش رفت نہیں ہوئی، ہمارا حکومت سے تعاون برقرار رہے گا لیکن میرا وزارت میں بیٹھنا بہت سارے سوالات کو جنم دیتا ہے۔ میرا اب کابینہ میں بیٹھنا بے سود ہے۔ کنوینر ایم کیو ایم کا کہنا تھا کہ ہم نے وزارت قانون و انصاف نہیں مانگی تھی، فروغ نسیم کابینہ نہیں چھوڑ رہے، پہلے تجربے کی کمی سمجھتے رہے لیکن اب لگتا ہے سنجیدگی ہی نہیں، ان ساری چیزوں کا پیپلز پارٹی کی پیشکش سے لینا دینا نہیں، ہم حکومت سے تعاون جاری رکھیں گے۔


خبر کا کوڈ: 838027

خبر کا ایڈریس :
https://www.islamtimes.org/ur/news/838027/ایم-کیو-کے-کنوینر-خالد-مقبول-صدیقی-نے-وفاقی-وزارت-چھوڑنے-کا-اعلان-کردیا

اسلام ٹائمز
  https://www.islamtimes.org