اسلام ٹائمز - سعودیہ عرب اگر آج امریکہ سے تعلقات توڑ لے تو اس سے صلح کی بات ہو سکتی ہے، زاہد جعفری

سعودیہ عرب اگر آج امریکہ سے تعلقات توڑ لے تو اس سے صلح کی بات ہو سکتی ہے، زاہد جعفری

پریڈ گراوند اسلام آباد میں امریکہ مردہ باد جلسے سے خطاب کرتے ہوئے انجمن نثاران اہلبیت کے سربراہ نےکہا کہ ہمارے حکمرانوں کے پاس ریاست مدینہ کا جو تصور ہے وہ اسلامی نہیں، اگر ایسا ہوتا تو اب تک قاسم سلیمانی کی شہادت پر امریکہ مخالف بیان آچکا ہوتا۔

اسلام ٹائمز۔ انجمن نثاران اہلبیت کے رہنما زاہد جعفری نے کہا ہے کہ اب وہ دور گزر گیا جب اسلام عالمی طاقتوں کے زیر اثر تھا اب ولی فقیہ امام زمانہ کا بیٹا موجود ہے جو قوت بھی رکھتا ہے، قاسم سلیمانی نے کہا تھا کہ پاکستان کی حفاظت کے لیے خون دینا پڑا تو خون بھی دوں گا، پریڈ گراوند اسلام آباد میں تحریک بیداری کے زیراہتمام ہونے والے امریکہ مردہ باد جلسے سے خطاب کرتے ہوئے انہوں نے کہا کہ ہمارے حکمرانوں کے پاس ریاست مدینہ کا جو تصور ہے وہ اسلامی نہیں، اگر ایسا ہوتا تو اب تک قاسم سلیمانی کی شہادت پر امریکہ مخالف بیان آچکا ہوتا، سعودیہ عرب اگر آج امریکہ سے تعلقات توڑ لے تو اس سے صلح کی بات ہو سکتی ہے۔ یو اے ای اور عرب ریاستیں اسرائیل کے تلوے چاٹتیں ہیں۔ پاکستان 22 کروڑ عوام کا ملک ہے جس کی خارجہ پالیسی عوام کی امنگوں کی ترجمان ہونی چاہیئے۔