0
Sunday 19 Jan 2020 11:34

غریبوں کے استحصال پر مبنی تبدیلی کو ہم نہیں مانتے، ثروت اعجاز قادری

غریبوں کے استحصال پر مبنی تبدیلی کو ہم نہیں مانتے، ثروت اعجاز قادری
اسلام ٹائمز۔ پاکستان سنی تحریک کے سربراہ محمد ثروت اعجاز قادری نے کہا ہے کہ مہنگائی کو بام عروج پر پہنچا کر غریب کو خودکشی پر مجبور کیا جا رہا ہے، تبدیلی اگر غریبوں کا استحصال کرنا ہے، تو ہم ایسی تبدیلی نہیں مانتے۔ اپنے ایک بیان میں ثروت اعجاز قادری نے کہا کہ مہنگائی پر کنٹرول اور غریبوں کو ریلیف نہیں دیا گیا تو مایوسیاں جنم لینگی، مایوسیوں نے جنم لیا تو جمہوریت اور حکمرانوں کیلئے اچھا نہیں ہوگا۔ انہوں نے کہا کہ حکمران غریبوں کا استحصال اور مہنگائی کو روکنے کیلئے کام نہیں کرینگے، تو پھر عوام عدلیہ کے دروازے پر دستک دینگے۔ انہوں نے کہا کہ حکمران عوام سے کئے گئے وعدوں کو عملی جامہ پہنانے کی بجائے دعوؤں سے کام چلا رہے ہیں، تعلیم کے بغیر معاشرہ بہتر اور قومیں ترقی نہیں کرسکتیں۔ انہوں نے کہا کہ معاشرے کا عام فرد جب تعلیم سے روشناس ہوگا، تو اس سے انتہاپسندی کمزور اور دہشتگردی ختم ہو جائیگی۔
خبر کا کوڈ : 839355
رائے ارسال کرنا
آپ کا نام

آپکا ایمیل ایڈریس
آپکی رائے

ہماری پیشکش