QR Code

مسلم لیگ (ن) کے 50 سے زائد ارکان پی ٹی آئی سے مستقل رابطے میں ہیں، فیاض الحسن چوہان

26 Jan 2020 23:11

پنجاب کے وزیر اطلاعات نے اپنے ایک بیان میں کہا ہے کہ مسلم لیگ (ن) کی طرف سے پاکستان تحریک انصاف (پی ٹی آئی) کے 20 ممبران اسمبلی کے فارورڈ بلاک بنانے کی خبریں آج دم توڑ گئی ہیں۔

اسلام ٹائمز۔ وزیر اطلاعات پنجاب فیاض الحسن چوہان نے دعویٰ کیا ہے کہ مسلم لیگ (ن) کے 50 سے زائد ارکان پی ٹی آئی سے مستقل رابطے میں ہیں۔ پنجاب کے وزیر اطلاعات فیاض الحسن چوہان نے اپنے ایک بیان میں کہا ہے کہ مسلم لیگ (ن) کی طرف سے پاکستان تحریک انصاف (پی ٹی آئی) کے 20 ممبران اسمبلی کے فارورڈ بلاک بنانے کی خبریں آج دم توڑ گئی ہیں۔ انہوں نے کہا کہ حقیقت یہ ہے مسلم لیگ (ن) کے 50 سے زائد ارکان پی ٹی آئی سے مستقل رابطے میں ہیں اور بزدار حکومت جب چاہے انہیں پارٹی میں شامل کر سکتی ہے لیکن ایسی ادھیڑ بُن کی سیاست پی ٹی آئی کا وطیرہ نہیں ہے۔ فیاض الحسن چوہان نے کہا ہے کہ تمام ارکان نے آج وزیر اعظم عمران خان اور وزیر اعلیٰ پنجاب عثمان بزدار کی قیادت پر مکمل اعتماد کا اظہار کیا۔ اس لیے حزب اختلاف اور کچھ تجزیہ نگار عثمان بزدار کے آنے جانے کی بجائے کسی اہم مسئلے پر اپنا وقت صرف کریں۔ انہوں نے واضح کیا کہ پنجاب کے وزیر اعلیٰ سردار عثمان بزدار ہی رہیں گے۔

خبر کا کوڈ: 840865