اسلام ٹائمز۔ گورنر سندھ عمران اسماعیل نے دعویٰ کیا ہے کہ پاکستان ایف اے ٹی ایف کی گرے لسٹ سے نکلنے والا ہے۔ گورنر سندھ عمران اسماعیل نے میڈیا سے بات کرتے ہوئے کہا کہ ٹرانسپیرنسی انٹرنیشنل نے آج وضاحت دے دی ہے کہ ان کی جاری کردہ رپورٹ کے اعداد و شمار دو سال پرانے ہیں اور 2 سال پرانے اعداد و شمار کا قصور وار موجودہ حکومت کو نہیں ٹھہرایا جا سکتا۔ انہوں نے کہا کہ پاکستانی معیشت بہتری کی جانب گامزن ہے اور جلد ایف اے ٹی ایف کی فہرست سے نکال دیا جائے گا۔