اسلام ٹائمز۔ پاکستان ریلوے نے سانحہ تیز گام پر اعلٰی افسر کو معطل کر دیا ہے۔ وزارت ریلوے نے ڈویژنل سپرنٹنڈنٹ اور گریڈ 19 کے افسر جمشید عالم کو معطل کر دیا ہے۔ وزارت ریلوے نے جمشید عالم کی معطلی کا نوٹیفکیشن بھی جاری کر دیا ہے۔ نوٹیفکیشن کے مطابق جمشید عالم کو سانحہ تیز گام آتشزدگی واقعے میں غفلت برتنے پر معطل کیا گیا۔ سپریم کورٹ نے آج سانحہ تیز گام واقعہ پر غفلت کے مرتکب اعلٰی افسران کے خلاف کارروائی کا حکم دیا تھا۔ سپریم کورٹ نے وزیر ریلوے شیخ رشید کو واقعہ پہ مستعفی ہونے کا بھی عندیہ دیا تھا۔