آئی جی سندھ کی تبدیلی کا معاملہ، وزیراعلٰی سندھ ڈٹ گئے

اسلام ٹائمز۔ سندھ میں آئی جی کی تبدیلی کا معاملہ سلجھ نہیں سکا ہے، وزیراعلٰی سندھ نے آئی جی کے لئے وزیراعظم کو نئے نام دینے سے صاف انکار کردیا ہے۔ وفاقی کابینہ میں آئی جی سندھ کی تبدیلی کا فیصلہ مؤخر ہونے پر حکومت سندھ میں تشویش پائی جاتی ہے۔ ذرائع کے مطابق وزیراعلٰی سندھ مراد علی شاہ نے وزیراعظم عمران خان سے ٹیلی فونک رابطہ کیا اور آئی جی سندھ کے لئے نئے نام دینے سے صاف انکار کردیا، مراد علی شاہ پرانے ناموں میں سے کسی ایک کو آئی جی سندھ بنانے پر ڈٹ گئے ہیں۔