QR Code
صدی کی ڈیل بین الاقوامی قوانین کے خلاف ہے، سابق امریکی صدر
1 Feb 2020 22:10
جمی کارٹر جو ستمبر 1978ء میں اسرائیل اور مصر کے درمیان کیمپ ڈیوڈ معاہدے اور ایران کے اسلامی انقلاب کیخلاف اپنی جارحانہ پالیسیوں میں ناکامی کی وجہ سے مشہور ہیں، کا کہنا تھا کہ ٹرمپ کا یہ منصوبہ بین الاقوامی قوانین "اپنے مستقبل کی منصوبہ بندی کے حق" اور "قبضہ شدہ زمین کی ملکیت اور اسے زور زبردستی سے اپنی زمینوں کیساتھ ملحق کرنے کی ممنوعیت" کے خلاف ہے۔
اسلام ٹائمز۔ سال 1977ء سے 1981ء کے دوران امریکی صدر رہنے والے سیاستدان جمی کارٹر نے امریکی-اسرائیلی منصوبے "صدی کی ڈیل" پر تبصرہ کرتے ہوئے اپنے ایک بیان میں اسے بین الاقوامی قوانین کے منافی قرار دیا ہے اور اقوام متحدہ سے مطالبہ کیا ہے کہ وہ فلسطینی سرزمین کے اسرائیل کیساتھ ملحق کرنے کے عمل کو روکے۔ سابق امریکی صدر نے کہا کہ امریکہ کا نیا منصوبہ اسرائیل اور فلسطین کے درمیان عادلانہ صلح کا امکان بالکل ختم کر دے گا۔ جمی کارٹر جو ستمبر 1978ء میں اسرائیل اور مصر کے درمیان کیمپ ڈیوڈ معاہدے اور ایران کے اسلامی انقلاب کیخلاف اپنی جارحانہ پالیسیوں میں ناکامی کی وجہ سے مشہور ہیں، نے اس بات پر زور دیا کہ اگر صدی کی ڈیل کو عملی جامہ پہنایا گیا تو فلسطینی بحران کا حل صرف دو حکومتوں کا قیام ہی باقی رہ جائے گا۔
جمی کارٹر نے اپنے بیان میں کہا کہ اقوام متحدہ کو چاہیئے کہ وہ سلامتی کونسل میں قرارداد پاس کرے اور اسرائیل کیطرف سے یکطرفہ طور پر فلسطینی سرزمین پر قبضے کی ہر کوشش کو ناکام بنائے۔ سابق امریکی صدر کا کہنا تھا کہ ٹرمپ کا یہ منصوبہ بین الاقوامی قوانین "اپنے مستقبل کی منصوبہ بندی کے حق" اور "قبضہ شدہ زمین کی ملکیت اور اسے زور زبردستی سے اپنی زمینوں کیساتھ ملحق کرنے کی ممنوعیت" کے خلاف ہے۔ جمی کارٹر کے بیان میں کہا گیا ہے کہ یہودیوں کیلئے مختص ملک اسرائیل کیطرف سے اس منصوبے کے پیش کئے جانے سے ہی یہ ظاہر ہے کہ یہ منصوبہ اسرائیلیوں کیطرف سے فلسطینیوں کے حقوق غصب کئے جانے کی حوصلہ افزائی پر مبنی ہے۔ واضح رہے کہ گذشتہ بدھ کے روز امریکی صدر ڈونلڈ ٹرمپ نے اسرائیلی وزیراعظم بنجمن نیتن یاہو کیساتھ ملاقات کے دوران امریکی صدارتی دفتر وائٹ ہاؤس میں اسرائیلی غاصبانہ پھیلاؤ اور فسطینی حقوق کے ضیاع پر مبنی "صدی کی ڈیل" نامی اس متنازعہ منصوبے کا اعلان کر دیا تھا، جسے پوری دنیا خصوصاً فلسطین میں شدید مخالف کا سامنا ہے۔
خبر کا کوڈ: 842043