اسلام ٹائمز۔ مجلس وحدت مسلمین کراچی ضلع غربی بلدیہ ٹاؤن کے تحت جامع مسجد خدیجه الکبریٰ میں شہید قاسم سلیمان، ابومہدی المہندس و رفقاء کی یاد میں مجلس ترحیم و چراغاں کا انعقاد کیا گیا، جس میں مومنین و مومنات، علمائے کرام، مذہبی، سماجی شخصیات نے شرکت کی۔ مجلس سے خطاب کرتے ہوئے علامہ باقر عباس زیدی نے کہا کہ شہید قاسم سلیمانی، شہید ابومہدی المندس وہ مخلص بابصیرت و شجاع جرنیل تھے جنہوں نے مختلف ممالک کے سخت و طولانی محاذ پر دشمنان اسلام کے خلاف جنگ کیلئے تربیت دیکر منظم کیا اور مشرق وسطیٰ میں امریکہ و اسرائیلی سازشوں کو ناکام بنایا اور داعش کو شکست سے دو چار کیا، آج اگر شہید قاسم سلیمانی جیسے جرنیل نہ ہوتے تو امریکی و اسرائیلی داعش مشرق وسطیٰ کو فتح کرتے ہوئے پاکستان میں داخل ہوجاتی اور ہمارا حشر بھی شام، عراق جیسا کرتے، شہید قاسم سلیمانی کا پوری دنیا و انسانیت پر احسان ہے۔