QR Code

نانگاپربت ریسکیو آپریشن، پاک فوج کے پائلٹس کو فرنچ میڈلز سے نوازا گیا

5 Feb 2020 20:44

آئی ایس پی آر کا کہنا ہے کہ پاک فوج کے پائلٹس نے فرنچ کوہ پیما مس الزبتھ کو 2018ء میں نانگاپربت میں سخت ترین موسمی حالات میں ریسکیو کیا تھا۔

اسلام ٹائمز۔ سخت ترین موسمی حالات میں جان پر کھیل کر نانگاپربت میں پھنسی فرانسیسی کوہ پیما کو ریسکیو کرنے کے کارنامے پر پاک فوج کے پائلٹس کو فرنچ میڈلز سے نوازا گیا۔ پاک فوج کے شعبہ تعلقات عامہ آئی ایس پی آر کے مطابق پاک فوج کے پائلٹس کو میڈلز دینے کی تقریب آرمی میوزیم میں ہوئی، جس میں چیف آف جنرل اسٹاف لیفٹیننٹ جنرل ساحر شمشاد سمیت دیگر فوجی حکام نے شرکت کی۔

فرنچ جوائنٹ فورس بحرہند کے کمانڈر نے پائلٹس کو فرانس کے ایوارڈ سے نوازا، پاک فوج کے پائلٹس کو فرنچ نیشنل ڈیفنس برانز میڈل سےنوازا گیا۔ آئی ایس پی آر کا کہنا ہے کہ پاک فوج کے پائلٹس نے فرنچ کوہ پیما مس الزبتھ کو 2018ء میں نانگاپربت میں سخت ترین موسمی حالات میں ریسکیو کیا تھا۔ واضح رہے کہ الزبتھ نے 7400 میٹر کی بلندی سے ریسکیو کال کی تھی جس پر ہنگامی طور پر ریسکیو آپریشن شروع کیا گیا تھا۔
 

خبر کا کوڈ: 842865