اسلام ٹائمز - حمزہ کی ضمانت کا مطلب بریت نہیں، فردوس عاشق

سماجی رابطے کی ویب سائٹ ٹوئٹر پر اپنے ایک بیان میں معاون خصوصی برائے اطلاعات کا کہنا ہے کہ نواز شریف شدید بیماری کا بیان دے کر لندن گئے، ابھی تک ہسپتال میں داخل نہیں ہوئے۔

اسلام ٹائمز۔ معاون خصوصی برائے اطلاعات فردوس عاشق اعوان کا کہنا ہے کہ نواز لیگی رہنما سیاہ کو سفید نہیں کر سکتے، حمزہ شہباز کی ضمانت کا مطلب بریت نہیں، سچائی سے بھاگنے والوں کو بھاگنے نہیں دیں گے۔ سماجی رابطے کی ویب سائٹ ٹوئٹر پر اپنے ایک بیان میں معاون خصوصی برائے اطلاعات فردوس عاشق اعوان نے کہا کہ جیلوں میں قید دیگر اسیروں کی بھی بیٹیاں ہیں، وہ بیٹیاں سوال کر رہی ہیں کہ ان سے امتیازی سلوک کیوں؟۔