اسلام ٹائمز۔ سندھ حکومت نے پولیس ملازمین کے لئے ہیلتھ کارڈ کے اجراء کا فیصلہ کیا ہے۔ حکومت سندھ نے پولیس ملازمین کو ہیلتھ کارڈ جاری کرنے کا فیصلہ کرلیا ہے۔ محکمہ داخلہ کے احکامات پر اے آئی جی ویلفیئر متحرک ہوگئے۔ سید پیر محمد شاہ کے اے آئی جی ویلفیئر تعیناتی کے بعد فیصلے پر پیش رفت ہوئی۔ صحت کارڈ سے پولیس ملازمین اور ان کے اہل خانہ کو علاج و معالجے کی سہولت دستیاب ہوگی۔ اے آئی جی ویلفیئر نے تمام اضلاع کے پولیس افسران کو خطوط ارسال کردیئے۔ ضلعی افسران کو 18 فروری تک معلومات اے آئی جی ویلفیئر سی پی او کو بھیجنے کے احکامت جاری کردیئے گئے ہیں۔ پولیس ملازمین و اہل خانہ کے کوائف ملنے کے بعد محکمہ داخلہ سندھ کو بھیجے جائیں گے۔