QR Code
اصغریہ خواتین تحریک کا سالانہ مرکزی کنونشن 21 تا 23 فروری خیرپور میرس میں ہوگا
12 Feb 2020 16:29
23 فروری کو اسلامی یوم عالم خواتین کے مناسبت سے یوم فاطمہ الزہرا سلام اللہ علیہا کا جلسہ عام منعقد ہوگا، جس میں علمائے کرام خطاب کرینگے، جبکہ نئے سال کیلئے اصغریہ خواتین کی نئے میر کارواں کا اعلان کیا جائے گا۔
اسلام ٹائمز۔ اصغریہ خواتین علم و عمل تحریک پاکستان کا چوتھا سالانہ مرکزی کنونشن بعنوان تربیت اولاد و یوم فاطمہ زہرا سلام اللہ علیہا 21، 22 اور 23 فروری بروز جمعہ، ہفتہ اور اتور کو بنگل خان چانڈیو ضلع خیرپور میرس میں منعقد ہوگا، جس میں ملک بھر سے جید علماء کرام، دانشور حضرات، اصغریہ خواتین کی مرکزی عہدیداران خطاب کرینگی۔ کنونشن میں اضلاع، ڈویژں اور مرکز کی سالانہ کارکردگی رپورٹس پیش کی جائیں گی، جبکہ احتساب کا مرحلہ بھی ہوگا۔ کنونشن کے دروران موضوعاتی دروس، علمی اور فکری نشستیں اور اجتماعی مباحثہ ہوگا۔ کنونشن کے آخری روز 23 فروری کو اسلامی یوم عالم خواتین کے مناسبت سے یوم فاطمہ الزہرا سلام اللہ علیہا کا جلسہ عام منعقد ہوگا، جس میں علمائے کرام خطاب کرینگے، جبکہ نئے سال کیلئے اصغریہ خواتین کی نئے میر کارواں کا اعلان کیا جائے گا۔ کنونشن میں سندھ بھر سے خواتین کے قافلے شرکت کریں گے۔
خبر کا کوڈ: 844126