اسلام ٹائمز۔ آل جموں و کشمیر مسلم کانفرنس کے قائد اور سابق وزیراعظم آزادکشمیر سردار عتیق احمد خان نے عالمی برادری، انسانی حقوق کی تنظیموں اور حکومت پاکستان سے مطالبہ کیا ہے کہ ہندوستان کو مجبور کیا جائے کہ سید علی گیلانی کو خصوصی طیارے کے ذریعے علاج کے لیے امریکہ جانے کی اجازت دے۔ اپنے ایک پیغام میں انہوں نے کہا کہ سید علی گیلانی نے جس استقامت اور جرات کا مظاہرہ کیا ہے وہ تاریخ میں سنہری حروف سے لکھا جائے گا۔