اسلام ٹائمز۔ بلوچستان میں مختلف حادثات کے دوران خاتوں سمیت 4 افراد جاں بحق اور 6 زخمی ہوگئے۔ لیویز کے مطابق ہرنائی کے علاقے بائیس میل میں گاڑی تیز رفتاری کے باعث کھائی میں جا گری، جس کے نتیجے میں خاتون سمیت 2 افراد جاں بحق جبکہ 6 زخمی ہوگئے۔ پنجگور کے علاقے سرسانڈ میں قومی شاہراہ پر دو گاڑیاں آپس میں ٹکرا گئیں جس کے نتیجے میں 2 افراد جاں بحق ہوگئے۔ لاشوں اور زخمیوں کو متعلقہ اسپتالوں میں منتقل کیا گیا جہاں لاشیں ضروری کارروائی کے بعد ورثاء کے حوالے کر دی گئیں جبکہ زخمیوں کو طبی امداد دی جا رہی ہے۔