کراچی میں کورونا وائرس کا مشتبہ کیس سامنے آگیا
20 Feb 2020 15:30
ذرائع کے مطابق مریض کے جسم سے حاصل کئے گئے نمونوں کے ابتدائی طبی تجزیے نے ڈاکٹروں کو تشویش میں مبتلا کردیا جس کے بعد انہوں نے مریض کو تنہا رکھا اور مزید تصدیق کے لئے نمونے قومی ادارہ برائے صحت اسلام آباد روانہ کردیئے ہیں، رپورٹ آنے کے بعد ہی حتمی طور پر کچھ کہا جاسکے گا، اس وقت تک مریض کو اکیلا رکھا جائے گا۔
اسلام ٹائمز۔ کراچی میں چین سے پھیلنے والے موذی کورونا وائرس کا مشتبہ کیس سامنے آیا ہے۔ محکمہ صحت سندھ کے مطابق چند دن قبل چین سے واپس آئے 22 سالہ پاکستانی طالبعلم میں نوول کورونا وائرس کی علامات ظاہر ہوئیں جس پر ڈاکٹروں نے اسے مشتبہ قرار دیتے ہوئے ڈاؤ یونیورسٹی اسپتال میں داخل کردیا۔ ذرائع کے مطابق مریض کے جسم سے حاصل کئے گئے نمونوں کے ابتدائی طبی تجزیے نے ڈاکٹروں کو تشویش میں مبتلا کردیا جس کے بعد انہوں نے مریض کو تنہا رکھا اور مزید تصدیق کے لئے نمونے قومی ادارہ برائے صحت اسلام آباد روانہ کردیئے ہیں۔
خبر کا کوڈ: 845692