QR Code

پشاور ایئرپورٹ پر اے ایس ایف کی کارروائی، ایک کلو ہروئن اسمگل کرنیکی کوشش ناکام

21 Feb 2020 19:28

اے ایس ایف حکام کا کہنا ہے کہ گرفتار ملزم کو اینٹی نارکوٹکس فورس (اے این ایف) کے حوالے کر دیا گیا ہے۔

اسلام ٹائمز۔ پشاور ایئرپورٹ پر اے ایس ایف نے کارروائی کرتے ہوئے مسافر کو گرفتار کر لیا۔ تفصیلات کے مطابق پشاور ایئرپورٹ پر اے ایس ایف نے ایک کلو ہیروئن کی اسمگلنگ کی کوشش ناکام بناتے ہوئے مسافر کو گرفتار کر لیا۔ ذرائع کا کہنا ہے کہ مسافر غیر ملکی ایئرلائن کی پرواز سے بحرین جارہا تھا۔ اے ایس ایف حکام کا کہنا ہے کہ گرفتار ملزم کو اینٹی نارکوٹکس فورس (اے این ایف) کے حوالے کر دیا گیا ہے۔ واضح رہے کہ گذشتہ سال دسمبر میں علامہ اقبال انٹرنیشنل ایئرپورٹ پر اے ایس ایف نے بیرون ملک منشیات اسمگلنگ کی کوششش ناکام بناتے ہوئے ملزم کو گرفتار کر لیا تھا۔ یاد رہے کہ گذشتہ سال نومبر میں نیو اسلام آباد ایئرپورٹ پر اے ایس ایف نے غیرملکی ایئرلائن کی پرواز کے ذریعے سعودی عرب جانے والے مسافر سے 03 کلو آئس ہیروئن برآمد کر کے گرفتار کیا تھا۔ ترجمان اے ایس ایف کے مطابق عملے نے شک کی بنیاد پر مسافر کی تلاشی لی تو یہ انکشاف ہوا کہ اس کے سامان میں موجود نمکو کے پیکٹس میں آئس ہیروئین چھپا کر رکھی گئی تھی۔

خبر کا کوڈ: 845940