QR Code

محکمہ داخلہ نے ساڑھے 7 ہزار این جی اوز کو پنجاب میں کام کی اجازت دیدی

24 Feb 2020 19:32

محکمہ داخلہ نے 20 ہزار این جی اوز کی رجسٹریشن منسوخ کرکے انہیں کالعدم قرار دے دیا ہے جبکہ بچ جانے والی ساڑھے 7 ہزار این جی اوز کو ہدایات کی ہیں کہ وہ منی لانڈرنگ سے پرہیز کریں اور سوسائٹی سے اپنا رابطہ رکھیں اور کسی بھی مشکوک یا ملک دشمن سرگرمی سے بچیں ورنہ ان کی رجسٹڑیشن منسوخ کر دی جائے گی۔

اسلام ٹائمز۔ حکومت پنجاب نے 20 ہزار سے زائد این جی اوز پر فوری طور پر پابندی عائد کر دی ہے۔ محکمہ داخلہ نے مکمل چھان بین اور انکوائری کے بعد ان 20 ہزار این جی اوز کو بند اور ان کے بینک اکائونٹ بھی منجمد کر دیئے ہیں۔ محکمہ داخلہ پنجاب نے ساڑھے سات ہزار این جی اوز کو کلیئر کر دیا ہے اور انہیں کام کرنے کی اجازت دے دی ہے۔ محکمہ داخلہ نے بچ جانے والی تمام این جی اوز کو ہدایات کی ہیں کہ وہ منی لانڈرنگ سے پرہیز کریں اور سوسائٹی سے اپنا رابطہ رکھیں اور کسی بھی مشکوک یا ملک دشمن سرگرمی سے بچیں ورنہ ان کی رجسٹڑیشن منسوخ کر دی جائے گی۔
 

خبر کا کوڈ: 846503