لاہور، سفاری پارک کے شیر نے 18 سالہ نوجوان کھا لیا

اسلام ٹائمز۔ لاہور کے زو سفاری پارک میں شیر نے 18 سالہ نوجوان کو کھا لیا۔ اطلاعات کے مطابق فتح سنگھ والا کا رہائشی 18 سالہ بلال بھینسوں کیلئے گھاس کاٹنے کیلئے سفاری پارک کی دیوار پھلانگ کر اندر گیا تو شیر  نے اس پر حملہ کر دیا۔ شیر نے نوجوان کا پورا دھڑ  کھا لیا صرف اس کا سر ہی بچا جس سے اس کی شناخت ممکن ہوئی۔ عینی شاہدین کے مطابق واقعہ کل شام کے وقت پیش آیا۔ پولیس نے موقع پر پہنچ کر واقعہ کی تحقیقات شروع کر دی ہیں۔ دوسری جانب اہل علاقہ کا کہنا ہے کہ بلال کا ذہنی توازن درست نہیں تھا۔