0
Friday 28 Feb 2020 19:17

مالی سال کے دوران عوام کو منی بجٹ سے محفوظ رکھنا اہم کامیابی ہے، عمران خان

مالی سال کے دوران عوام کو منی بجٹ سے محفوظ رکھنا اہم کامیابی ہے، عمران خان
اسلام ٹائمز۔ وزیراعظم عمران خان نے کہا ہے کہ بڑے بجلی چوروں کو پکڑنے پر خصوصی توجہ دی جائے، گٹھ جوڑ اور ناجائز منافع خوری کرنے والے عناصر کے خلاف سخت کارروائی کی جائے، موجودہ مالی سال کے دوران عوام کو منی بجٹ سے محفوظ رکھنا اہم کامیابی ہے۔ وزیراعظم عمران خان کی زیر صدارت کم آمدنی والے شہریوں کے لیے سبسڈی سے متعلق جائزہ اجلاس ہوا۔ حکام نے بریفنگ دیتے ہوئے بتایا کہ 300 سے کم یونٹس بجلی استعمال کرنے والے گھریلو صارفین کے لیے اس سال 162 ارب روپے کی سبسڈی رکھی گئی ہے، توانائی کے شعبے میں مجموعی طور پر251 ارب روپے کی سبسڈی فراہم کی جا رہی ہے، سبسڈی کا بنیادی مقصد عوام خاص طور پر کم آمدنی والے طبقے کو ریلیف پہنچانا ہے۔

اجلاس کو بتایا گیا بلوچستان میں زرعی ٹیوب ویلز کے لیے ساڑھے 8 ارب روپے سبسڈی رکھی گئی ہے، خیبر پختونخوا میں ضم ہونے والے قبائلی علاقوں کے عوام کے لیے 18 ارب روپے فراہم کیے جا رہے ہیں۔ اس موقع پر وزیراعظم عمران خان کا کہنا تھا سبسڈی اور مالی سپورٹ کی فراہمی کا مقصد کمزور طبقے کو ریلیف فراہم کرنا ہے۔ انہوں نے کہا کہ عالمی مالیاتی فنڈ (آئی ایم ایف) نے حکومتی معاشی پالیسیوں اور ان کی سمت پراعتماد کیا ہے، موجودہ مالی سال کے دوران عوام کو منی بجٹ سے محفوظ رکھنا اہم کامیابی ہے۔ انہوں نے ہدایت کی کہ گٹھ جوڑ اور ناجائز منافع خوری کرنے والے عناصر کے خلاف سخت کارروائی کی جائے۔
 
خبر کا کوڈ : 847353
رائے ارسال کرنا
آپ کا نام

آپکا ایمیل ایڈریس
آپکی رائے

منتخب
ہماری پیشکش