اسلام ٹائمز - کراچی میں کورونا وائرس کا ایک اور کیس رپورٹ

محکمہ صحت کا کہنا ہے کہ نیا کیس سامنے آنے کے بعد کراچی میں کورونا وائرس کے مریضوں کی تعداد 15 ہوگئی ہے، جبکہ کورونا وائرس کے مبتلا 2 مریض صحتیاب بھی ہو چکے ہیں۔

اسلام ٹائمز۔ شہر قائد میں کورونا وائرس کا ایک اور کیس سامنے آگیا ہے، جس کے بعد ملک بھر میں کیسز کی تعداد 22 ہوگئی ہے۔ محکمہ صحت کے مطابق کراچی میں کورونا وائرس کا ایک اور کیس رپورٹ ہوا ہے، 52 سالہ شخص میں کورونا وائرس کی تصدیق ہوئی ہے، جبکہ متاثرہ شخص 2 روز پہلے اسلام آباد سے کراچی پہنچا تھا۔ محکمہ صحت کا کہنا ہے کہ نیا کیس سامنے آنے کے بعد کراچی میں کورونا وائرس کے مریضوں کی تعداد 15 ہوگئی ہے، جبکہ کورونا وائرس کے مبتلا 2 مریض صحتیاب بھی ہو چکے ہیں۔ واضح رہے کہ ملک بھر میں مجموعی طور پر کورونا مریضوں کی تعداد 22 ہوگئی ہے، جبکہ سندھ حکومت نے کورونا وائرس کے خدشے کے پیش نظر تعلیمی ادارے 31 مئی تک بند رکھنے کا اعلان کیا ہے۔