اسلام ٹائمز۔خیبر پختونخوا حکومت نے کورونا وائرس کے پیش نظر قیدیوں کی سزا میں کمی کا اعلان کر دیا ہے۔ وزیراعلٰی نے قیدیوں کی سزا میں 2 ماہ کم کرنے کی ہدایت جاری کر دی ہے۔ وزیراعلٰی خیبر پختونخوا محمود خان نے کہا ہے کہ کورونا وباء کی شکل اختیار کر گیا، عوام کے ساتھ قیدیوں کو بھی ریلف دیں گے، سزائیں کم ہونے سے بیشتر قیدیوں کو رہائی مل جائے گی۔ معاون خصوصی جیل خانہ جات تاج محمد کا کہنا ہے کہ فیصلے کا اطلاق دہشت گردی واقعات میں سزا یافتہ قیدیوں پر نہیں ہوگا، فیصلہ انسانی ہمدردی کے تحت کیا ہے، تمام جیلوں کو آج اعلامیہ مل جائے گا، جبکہ رہائی پانے والے قیدیوں کی اعداد شمار جلد مکمل کی جائے گی۔