اسلام ٹائمز - لاک ڈاؤن میں بینکاری سہولتیں مہیا ہوں گی، اسٹیٹ بینک

لاک ڈاؤن میں بینکاری سہولتیں مہیا ہوں گی، اسٹیٹ بینک

مرکزی بینک کی جانب سے جاری کیے گئے اعلامیے میں کہا گیا ہے کہ بینکوں کو اے ٹی ایم اور آن لائن ٹرانسفر سہولتوں کی فراہمی یقینی بنانے کی ہدایات کی گئی ہیں۔

اسلام ٹائمز۔ اسٹیٹ بینک آف پاکستان کی جانب سے کہا گیا ہے کہ کورونا وائرس کی روک تھام کے سلسلے میں ملک بھر میں جاری لاک ڈاؤن کے دوران صارفین کو بینکاری خدمات اور سہولتیں مہیا ہوں گی۔ مرکزی بینک (اسٹیٹ بینک) کی جانب سے جاری کیے گئے اعلامیے میں کہا گیا ہے کہ بینکوں کو اے ٹی ایم اور آن لائن ٹرانسفر سہولتوں کی فراہمی یقینی بنانے کی ہدایات کی گئی ہیں۔ ادھر کراچی میں واقع پاکستان اسٹاک ایکسچینج میں کاروبار کا آغاز 11 بجے دن ہو گا۔ پاکستان اسٹاک ایکسچینج میں کاروباری تعطل کا دورانیہ 45 منٹ سے بڑھا کر 2 گھنٹے کر دیا گیا ہے۔