0
Tuesday 24 Mar 2020 23:35

افغان حکومت اور طالبان کا پہلا ویڈیو کانفرنسنگ اجلاس

افغان حکومت اور طالبان کا پہلا ویڈیو کانفرنسنگ اجلاس
اسلام ٹائمز۔ افغان حکومت اور طالبان کے نمائندوں نے ویڈیو کانفرنس کے ذریعے قیدیوں کے تبادلے کے طریقہ کار کے بارے میں تبادلہ خیال کیا۔ آوا نیوز ایجنسی کی رپورٹ کے مطابق افغانستان نیشنل سیکورٹی کونسل کے اعلان کے مطابق حکومت اور طالبان کے نمائندوں نے اس ویڈیو کانفرنس میں ملک میں تشدد میں کمی لانے، براہ راست مذاکرات کرنے اور مستقل جنگ بندی کے بارے میں گفتگو کی۔ طالبان گروہ ایک ساتھ اپنے تقریباً پانچ ہزار قیدیوں کی رہائی کا مطالبہ کر رہا ہے، لیکن افغان حکومت نے اسے قبول نہیں کیا اور ان کی بتدریج آزادی پر تاکید کی ہے۔ اس اجلاس میں امریکہ اور قطر کے نمائندے بھی موجود تھے۔ ویڈیو کانفرنسنگ کے ذریعے یہ اجلاس ایسے عالم میں منعقد ہوا ہے کہ بیس روز قبل قطر میں امریکہ اور طالبان کے درمیان ہونے والے سمجھوتے کا افغانستان میں تشدد میں کمی اور جنگ کے خاتمے کے لحاظ سے اب تک کوئی نتیجہ نہیں نکلا ہے۔
خبر کا کوڈ : 852384
رائے ارسال کرنا
آپ کا نام

آپکا ایمیل ایڈریس
آپکی رائے

منتخب
ہماری پیشکش