اسلام ٹائمز - یہ وقت کورونا وائرس کے خلاف مل کر لڑنے کا ہے، شاہ محمود

یہ وقت کورونا وائرس کے خلاف مل کر لڑنے کا ہے، شاہ محمود

نجی ٹی وی چینل سے سے گفتگو کرتے ہوئے وفاقی وزیر کا کہنا تھا کہ پارلیمانی پارٹیوں کو اپنے اقدامات سے آگاہ کرنا چاہتے تھے، سیاست سے بالاتر ہو کر ہمیں ایک قومی جذبے کی ضرورت ہے۔

اسلام ٹائمز۔ وزیر خارجہ شاہ محمود قریشی کہتے ہیں کہ یہ وقت کورونا وائرس سے مقابلہ کرنے کا ہے، گلے شکووں کا نہیں ہے۔ نجی ٹی وی چینل سے سے گفتگو کرتے ہوئے انہوں نے زور دیتے ہوئے کہا کہ سیاسی رہنما کورونا وائرس سے متعلق بات چیت کو جاری رکھیں۔ شاہ محمود قریشی نے یہ بھی کہا کہ پارلیمانی پارٹیوں کو اپنے اقدامات سے آگاہ کرنا چاہتے تھے، یہ وقت کورونا وائرس کے خلاف مل کر لڑنے کا ہے۔ انھون نے کہا کہ چین سے پاکستانی طلباء کو واپس نہ لانے کا فیصلہ درست ثابت ہوا ہے۔ انہوں نے کہا کہ پارلیمانی رہنماؤں کے اجلاس میں شرکاء نے مفید تجاویز دی ہیں، سیاست سے بالاتر ہو کر ہمیں ایک قومی جذبے کی ضرورت ہے، تمام صوبے اپنے وسائل کے مطابق بہترین کام کر رہے ہیں۔ انہوں نے عالمی برادری پر زور دیا کہ وہ ایران پر عائد اقتصادی پابندیوں کو ختم کرے، ان پابندیوں کی وجہ سے ایران کو شدید مشکلات کا سامنا ہے، مشکل کی اس گھڑی میں عالمی برادری ایران پر سے پابندیاں ہٹائے۔