0
Thursday 26 Mar 2020 11:58

عوام کی زندگیاں محفوظ بنانے کیلئے جو ممکن ہوا کر رہے ہیں،عثمان بزدار

عوام کی زندگیاں محفوظ بنانے کیلئے جو ممکن ہوا کر رہے ہیں،عثمان بزدار
اسلام ٹائمز۔ وزیر اعلی پنجاب سردار عثمان بزدار نے کہا ہے کہ عوام کی زندگیاں محفوظ بنانے کیلئے ہمارے بس میں جو ممکن ہے، وہ ہم نے کیا ہے، عوام کو کورونا وائرس سے بچانے کیلئے آئندہ بھی ہر ضروری اقدام کیا جائے گا۔ وزیر اعلی پنجاب سردار عثمان بزدار نے مزید کہا کہ مشکل وقت میں صوبے کے عوام کیساتھ شانہ بشانہ کھڑے ہیں، آزمائش کی گھڑی میں اپنے عوام کو کسی صورت تنہا نہیں چھوڑیں گے۔ انہوں نے کہا کہ ہمارا اوڑھنا بچھونا عوام کیساتھ ہے اور رہے گا، عوام کی مشکل کو اپنی مشکل سمجھتا ہوں، ہم مشکل وقت میں عوام کو اکیلا چھوڑنے والوں میں سے نہیں۔ انہوں نے مزید کہا کہ جو اقدامات اُٹھا رہے ہیں، صرف اور صرف عوام کیلئے ہیں، کسی کو دکھانے کیلئے نہیں، بلکہ اللہ تعالیٰ کو راضی کرنے کیلئے سیاست کو عبادت سمجھتے ہیں۔ انہوں نے شہریوں سے اپیل کی کہ وہ حکومتی اقدامات پر سو فیصد عملدرآمد کریں، اس میں ہم سب کی بھلائی اور بہتری ہے، آج کا وقتی فاصلہ ہمیشہ کے فاصلوں سے محفوظ بنائے گا۔
خبر کا کوڈ : 852690
رائے ارسال کرنا
آپ کا نام

آپکا ایمیل ایڈریس
آپکی رائے

منتخب
ہماری پیشکش