QR Code

آئی سی ٹی سٹی ایپ کے ذریعے حکومت کو شہریوں کے دروازے پرپہنچا دیا گیا ہے، عمران خان

27 Mar 2020 09:54

ایپ میں ای پولیسنگ، ایمرجنسی سروسز، ڈومیسائل، شناختی کارڈ کی سہولتیں شامل ہیں۔ نئی ایپ کے تحت شہری اراضی فرد، اسلحہ لائسنز، گاڑیوں کی رجسٹریشن اور ٹوکن ٹیکسزکی ادائیگی کر سکتے ہیں۔ نئی ایپ کے ذریعے پیدائش وڈیتھ سرٹیفکیٹ حاصل کرنے کی سہولتیں بھی دی گئی ہیں۔

اسلام ٹائمز۔ وزیراعظم عمران خان نے کہا ہے کہ آج ہماری حکومت کا ایک اور وعدہ پورا ہوگیا ہے۔ سماجی رابطے کی ویب سائٹ ٹوئٹر پر جاری کردہ اپنے ایک پیغام میں انہوں نے کہا ہے کہ آئی سی ٹی سٹی ایپ کے ذریعے حکومت کو شہریوں کے دروازے پرپہنچا دیا گیا ہے۔ وزیراعظم عمران خان نے اس عزم کا بھی اظہار کیا ہے کہ اسلام آباد میں تجربے کے بعد یہ سروس ملک کے دیگر شہروں تک بھی پہنچائیں گے۔ وزیراعظم عمران خان نے وفاقی دارالحکومت اسلام آباد کے شہریوں کو سرکاری دفاتر کے چکرلگانے اور انہیں دیگر سہولتیں گھر کی دہلیز تک پہنچانے کے لیے موبائل ایپ کا اجرا کیا ہے۔ جدید، اہم اورمنفرد موبائل ایپ ضلعی انتظامیہ اورنیشنل انفارمیشن ٹیکنالوجی بورڈ کےاشتراک سےمتعارف کرائی گئی ہے۔ چیئرمین سی ڈی اے اوردیگرحکام نے وزیراعظم کو ایپ کے حوالے سے بریفنگ دیتے ہوئے بتایا ہے کہ ایپ کے تحت 43 مختلف سہولتیں شہریوں کوآن لائن فراہم کی جائیں گی۔ نئی ایپ متعارف کرانے کا مقصد شہریوں کو سرکاری دفاترمیں قطار و انتظارکی زحمت سے بچانا ہے۔ ایپ میں ای پولیسنگ، ایمرجنسی سروسز، ڈومیسائل، شناختی کارڈ کی سہولتیں شامل ہیں۔ نئی ایپ کے تحت شہری اراضی فرد، اسلحہ لائسنز، گاڑیوں کی رجسٹریشن اور ٹوکن ٹیکسزکی ادائیگی کر سکتے ہیں۔ نئی ایپ کے ذریعے پیدائش وڈیتھ سرٹیفکیٹ حاصل کرنے کی سہولتیں بھی دی گئی ہیں۔

خبر کا کوڈ: 852891