اسلام ٹائمز۔ وزیراعلیٰ خیبر پختونخوا کے مشیر اطلاعات اجمل وزیر نے تمام پرنٹ و الیکٹرانک میڈیا کے اداروں سے درخواست کی ہے کہ وہ کرونا وائرس کے حوالے سے فیلڈ میں فرائض سرانجام دینے والے صحافیوں اور دیگر سٹاف کی تفصیلات محکمہ اطلاعات کے پاس جمع کرائیں، ادارے صحافیوں کے نام، ولدیت، شناختی کارڈ نمبر، ادارے کا نام اور فیلڈ میں کام کرنے والے صحافیوں اور دیگر اسٹاف کے عہدے کے ساتھ محکمہ اطلاعات کو ارسال کیا جائے، اداروں کی جانب سے جمع کی جانی والی تفصیلات قانون نافذ کرنے والے اور دیگر اداروں کے ساتھ شئیر کی جائیگی، تاکہ لاک ڈاؤن کی صورت میں انہیں اپنے فرائض سرانجام دینے میں کسی قسم کی دقت کا سامنا نہ کرنا پڑھے۔ ان تفصیلات کی روشنی میں صحافیوں کےلئے خصوصی ڈیوٹی کارڈز تیار کئے جائیں گے۔