اسلام ٹائمز۔ پورے ملک کی طرح ضلع کرم میں بھی کرونا وائرس کے سدباب اور اس سے بچاو کیلئے اقدامات کا سلسلہ جاری ہے، کرونا وائرس کے خطرے کے پیش نظر سول انتظامیہ کی جانب سے پاراچنار میں 170 بستروں پر مشتمل آئسولیشن سینٹر قائم کیا گیا۔ جس میں تمام تر انتظامات مکمل کر دیئے گئے ہیں اور عملہ کو بھی ہدایات جاری کر دی گئی ہیں۔ واضح رہے کہ اب تک پاراچنار میں کرونا وائرس کا ایک بھی مریض نہیں، تاہم احتیاطی تدابیر بھرپور انداز میں اپنانے کی حکومتی ہدایات جاری کی گئی ہیں۔