0
Monday 30 Mar 2020 23:12

یمنی فوجی طاقت کو ختم کرنے کیلئے تاریخ کے سب سے بڑے فوجی آپریشن کا آغاز کر دیا گیا ہے، سعودی میڈیا

یمنی فوجی طاقت کو ختم کرنے کیلئے تاریخ کے سب سے بڑے فوجی آپریشن کا آغاز کر دیا گیا ہے، سعودی میڈیا
اسلام ٹائمز۔ سعودی نیوز چینل العربیہ نے دعوی کیا ہے کہ سعودی فوجی اتحاد نے یمن کی فوجی تنصیبات اور فوجی طاقت کو مکمل طور پر ختم کرنے کے لئے تاریخ کے سب سے بڑے آپریشن کا آغاز کر دیا ہے۔ رپورٹ کے مطابق جارح سعودی اتحاد کی طرف سے شروع کئے گئے مبینہ آپریشن کا مقصد یمنی بیلسٹک میزائلوں کے خطرے کو مکمل طور پر ختم کرنا ہے۔ واضح رہے کہ آج سعودی عرب کی طرف سے یمنی دارالحکومت صنعاء پر متعدد بار ہوائی حملے کئے گئے جن کے دوران صنعاء کی ملٹری یونیورسٹی کو بھی نشانہ بنایا گیا ہے۔ یاد رہے کہ گزشتہ شب سعودی فوجی اتحاد نے دعوی کیا تھا کہ اس نے دارالحکومت ریاض سمیت 2 سعودی شہروں پر حملہ آور متعدد بیلسٹک میزائلوں کو ہوائی دفاعی سسٹمز کے ذریعے تباہ کر دیا ہے۔
خبر کا کوڈ : 853652
رائے ارسال کرنا
آپ کا نام

آپکا ایمیل ایڈریس
آپکی رائے

ہماری پیشکش