اسرائیل رواں برس ایران پر حملہ کر دیگا، مشرق وسطٰی سمیت پوری دنیا میں امریکی فوج اور امریکی مفادات خطرے میں پڑ جائینگے، سی آئی اے

واشنگٹن:اسلام ٹائمز۔ امریکی سی آئی اے کے سابق افسر رابرٹ بائر نے دعویٰ کیا ہے کہ اسرائیل رواں برس ایران پر حملہ کر دیگا، اور تہران پر جارحیت سے امریکا ایک اور جنگ میں دھکیل دیا جائیگا۔
امریکی ریاست لاس اینجلس میں ایک شو کے دوران رابرٹ کا کہنا تھا کہ ستمبر میں اسرائیل کے ایران پر حملے سے مشرق وسطیٰ سمیت پوری دنیا میں امریکی فوج اور امریکی مفادات خطرے میں پڑ جائینگے۔ رابرٹ اپنی اہلیہ کے ساتھ اکیس برس امریکی سی آئی اے میں بطور افسر کام کر چکے ہیں اور انہیں مشرق وسطیٰ کے متعلق خاصہ تجربہ ہے۔