QR Code

شہباز شریف کا پروپیگنڈا کورونا سے زیادہ خطرناک ہے، فیاض الحسن چوہان

31 Mar 2020 13:46

صوبائی وزیر اطلاعات نے اپنے ایک بیان میں کہا کہ لگتا ہے شہباز شریف پنجاب میں یورپ اور امریکا کی طرز کے اسپتال چھوڑ گئے تھے، ایسے تنقید کر رہے ہیں جیسے آپ ایک لاکھ وینٹی لیٹرز چھوڑ گئے تھے۔

اسلام ٹائمز۔ پنجاب کے وزیر اطلاعات فیاض الحسن چوہان نے کہا مسلم لیگ نواز کے صدر شہباز شریف پر کڑی تنقید کرتے ہوئے کہا کہ شہباز شریف کا زہریلا پروپیگنڈا وائرس کورونا وائرس سے زیادہ خطرناک ہے۔ انہوں نے کہا کہ بزدار حکومت نے شہباز شریف کو کھلے دل کے ساتھ خوش آمدید کہا تھا، شہباز شریف نے وفاقی و صوبائی حکومت کیخلاف گلی محلے کی سیاست شروع کر دی۔ صوبائی وزیر اطلاعات نے کہا کہ لگتا ہے شہباز شریف پنجاب میں یورپ اور امریکا کی طرز کے اسپتال چھوڑ گئے تھے، شہباز شریف ایسے تنقید کر رہے ہیں جیسے آپ ایک لاکھ وینٹی لیٹرز چھوڑ گئے تھے۔ انہوں نے کہا کہ شہباز شریف سے گزارش ہے اس کڑے وقت میں مثبت کردار ادا کریں۔

خبر کا کوڈ: 853749