0
Wednesday 1 Apr 2020 10:07

ملک میں کورونا وائرس مریضوں کی تعداد 2039 ہو گئی

ملک میں کورونا وائرس مریضوں کی تعداد 2039 ہو گئی
اسلام ٹائمز۔ کراچی میں ایک اور مریض کے انتقال سے ملک میں کورونا وائرس سے اموات کی تعداد 27 ہو گئی۔ کمانڈ اینڈ کنٹرول سینٹر کے مطابق 24 گھنٹے کے دوران ملک بھر میں کورونا کے178 کیس سامنے آئے ہیں جس کے بعد اس وائرس سے بیمار ہونے والوں کی تعداد 2039 ہو گئی ہے۔کمانڈ اینڈ کنٹرول سینٹر کا کہنا ہے کہ سندھ میں کورونا وائرس سے متاثرہ افراد کی تعداد 676 ہو گئی ہے۔ کمانڈ اینڈ کنٹرول سینٹر کا مزید کہنا ہےکہ اب تک کورونا وائرس کے پنجاب میں 708، کے پی میں 259، بلوچستان میں 158، گلگت بلتستان میں 184، اسلام آباد میں 54 اور آزاد کشمیر میں 6 کیسز سامنے آئے ہیں۔ کمانڈ اینڈ کنٹرول سینٹر کے مطابق کراچی میں کورونا کا آج کوئی نیا کیس سامنے نہیں آیا، جبکہ ملک بھر میں اس موذی وائرس سے 58 مریض اب تک صحت یاب بھی ہو چکے ہیں۔ کمانڈ اینڈ کنٹرول سینٹر کا یہ بھی کہنا ہے کہ ملک بھر میں کورونا وائرس کے 10 مریضوں کی حالت تشویش ناک ہے۔
خبر کا کوڈ : 853953
رائے ارسال کرنا
آپ کا نام

آپکا ایمیل ایڈریس
آپکی رائے

ہماری پیشکش