اسلام ٹائمز۔ خیبر پختونخوا کے ضلع صوابی میں مکان کی چھت گرنے سے 4 افراد جاں بحق ہوگئے۔ مقامی پولیس کے مطابق صوابی کے نواحی علاقے میں چھت گرنے کا واقعہ پیش آیا جس کے ملبے تلے دبنے سے 4 افراد جاں بحق ہوگئے۔ ریسکیو ذرائع کے مطابق لاشوں کو قریبی ہسپتال منتقل کر دیا گیا ہے، جبکہ مکان کا ملبہ ہٹانے کا کام جاری ہے۔ گذشتہ ماہ بھی صوابی میں مکان کی چھت گرنے سے 4 افراد جاں بحق ہوگئے تھے جس میں کچھ افراد زخمی بھی ہوئے تھے، جنہیں قریبی ہسپتال منتقل کر دیا گیا تھا۔