اسلام ٹائمز۔ ضلع کرم کے علاقہ صدہ میں بھی دو افراد میں کرونا وائرس کی تصدیق ہوگئی ہے، یوں ضلع کرم میں وائرس سے متاثرہ افراد کی تعداد چار ہوگئی ہے۔ کیس منظر عام پر آنے کے بعد صدہ انتظامیہ نے سخت اقدامات اٹھانے کا فیصلہ کیا اور مساجد میں صرف 5 افراد کو باجماعت نماز ادا کرنے کی اجازت ہوگی۔ ڈی پی او ضلع کرم محمد قریش خان نے بتایا ہے کہ کرم پولیس پاراچنار اور صدہ میں 100 پولیس جوانوں پر مشتمل اینٹی وائرس فورس کا قیام عمل میں لائی ہے۔