اسلام ٹائمز - کرونا سے مقابلے میں مدد کے بجائے امریکہ دنیا بھر میں اپنے جنگی بحری بیڑے بھیجنے میں مصروف ہے، چین

کرونا سے مقابلے میں مدد کے بجائے امریکہ دنیا بھر میں اپنے جنگی بحری بیڑے بھیجنے میں مصروف ہے، چین

چینی وزارت خارجہ کے ترجمان لیجیان ژاؤ نے خبرنگاروں کیساتھ گفتگو میں کہا ہے کہ ایک ایسے وقت میں جب پوری دنیا کرونا وائرس کے پھیلاؤ کے باعث دوسروں کی مدد میں لگی ہوئی ہے امریکہ نہ صرف پوری دنیا بلکہ جنوبی چین کی سمندری حدود میں بھی اپنے جنگی طیارے اور بحری بیڑے بھیجنے میں مصروف ہے۔ لیجیان ژاؤ نے کہا کہ ہم امریکی حکومت کو نصیحت کرتے ہیں کہ وہ اپنے ملک کے اندر کرونا وائرس کے وسیع پھیلاؤ سے مقابلے کو اپنی پہلی ترجیحات میں شامل کرے۔

اسلام ٹائمز۔ چینی وزارت خارجہ کے ترجمان لیجیان ژاؤ نے خبرنگاروں کے ساتھ اپنی ہفتہ وار نشست میں پوری دنیا کے اندر کرونا وائرس کے پھیلاؤ کے دوران امریکی فوجی نقل و حرکت پر تنقید کرتے ہوئے کہا ہے کہ ایک ایسے وقت میں جب پوری دنیا کرونا وائرس کے پھیلاؤ کے باعث دوسروں کی مدد میں لگی ہوئی ہے امریکہ نہ صرف پوری دنیا بلکہ جنوبی چین کی سمندری حدود میں بھی اپنے جنگی طیارے اور بحری بیڑے بھیجنے میں مصروف ہے۔

چینی وزارت خارجہ کے ترجمان لیجیان ژاؤ نے کہا کہ امریکہ نے اپنے اس اقدام کے ذریعے چین کی قومی حاکمیت کی خلاف ورزی کی ہے۔ لیجیان ژاؤ نے کہا کہ ہم امریکی حکومت کو نصیحت کرتے ہیں کہ وہ اپنے ملک کے اندر کرونا وائرس کے وسیع پھیلاؤ سے مقابلے کو اپنی پہلی ترجیحات میں شامل کرے۔ چینی وزارت خارجہ کے ترجمان نے جنوبی چین کی سمندری حدود اور آبنائے تائیوان میں فوجی نقل و حرکت پر امریکہ کو خبردار کرتے ہوئے ان علاقوں کو چینی سرزمین کا ایک حصہ قرار دیا ہے۔