QR Code

آٹا چینی بحران پر وزیراعظم سے استعفے کا مطالبہ جائز ہے، بلاول بھٹو زرداری

9 Apr 2020 00:27

نجی ٹی وی سے گفتگو کرتے ہوئے پی پی چیئرمین نے کہا کہ استعفے کا مطالبہ اس لئے جائز ہے کیوں کہ خود عمران خان بھی ماضی میں صرف الزامات لگنے پر استعفے کے مطالبے کرتے رہے ہیں، لاک ڈاؤن بڑھانا ہے یا ختم کرنا ہے، یہ عمران خان یا مراد علی شاہ نہیں کورونا وائرس ہی بتائے گا۔

اسلام ٹائمز۔ پاکستان پیپلز پارٹی کے چیئرمین بلاول بھٹو زرداری نے کہا ہے کہ آٹا چینی بحران پر وزراء کے قلمدان تبدیل کرنا کافی نہیں، پہلے بھی تحریک انصاف کے وزراء پر الزامات لگے لیکن صرف عہدے بدلے گئے احتساب نہیں ہوا۔ نجی ٹی وی سے گفتگو کرتے ہوئے بلاول بھٹو زرداری نے کہا کہ موجودہ بحران پر وزیراعظم کے استعفے کا مطالبہ اس لئے جائز ہے کیوں کہ خود عمران خان بھی ماضی میں صرف الزامات لگنے پر استعفے کے مطالبے کرتے رہے ہیں۔ لاک ڈاؤن کے بارے میں سوال پر بلاول نے کہا کہ لاک ڈاؤن بڑھانا ہے یا ختم کرنا ہے، یہ عمران خان یا مراد علی شاہ نہیں کورونا وائرس ہی بتائے گا۔ بلاول بھٹو زرداری نے کہا ہے قومی احتساب بیورو (نیب) اور ماضی کے احتساب کمیشن کو ہمیشہ سیاسی انجینئرنگ کے لئے استعمال کیا گیا، نیب نے میڈیا پر ہاتھ ڈال کر لائن کراس کی ہے۔ بلاول نے کہا کہ میر شکیل الرحمان کو فوری رہا کیا جانا چاہیئے۔

خبر کا کوڈ: 855494