اسلام ٹائمز - دنیا اب اس تجربے سے گزر رہی ہے جسے ایران عرصہ دراز سے تحمل کر رہا ہے، جواد ظریف

دنیا اب اس تجربے سے گزر رہی ہے جسے ایران عرصہ دراز سے تحمل کر رہا ہے، جواد ظریف

ایرانی وزیر خارجہ محمد جواد ظریف نے ٹوئٹر پر جاری ہونیوالے اپنے ایک بیان میں امریکی صدر ڈونلڈ ٹرمپ کیطرف سے عالمی ادارۂ صحت کا بجٹ معطل کر دینے کے اقدام کیطرف اشارہ کرتے ہوئے لکھا ہے کہ دنیا بھر میں کرونا وائرس کے باعث پیدا ہونیوالے بحران کے درمیان امریکہ کیطرف سے عالمی ادارۂ صحت کا بحٹ روک لینے کا اقدام تاریخ انسانیت میں ہمیشہ کیلئے امریکہ کے ماتھے پر کلنک کا ٹیکہ ہے۔

اسلام ٹائمز۔ اسلامی جمہوری ایران کے وزیر خارجہ محمد جواد ظریف نے ٹوئٹر پر جاری ہونے والے اپنے ایک بیان میں امریکی صدر ڈونلڈ ٹرمپ کی طرف سے عالمی ادارۂ صحت کا بجٹ معطل کر دینے کے اقدام کی طرف اشارہ کرتے ہوئے لکھا ہے کہ دنیا اب اس تجربے سے گزر رہی ہے جسے ایرانی قوم عرصۂ دراز سے تحمل کر رہی ہے۔ انہوں نے لکھا کہ امریکہ کی زورزبردستی، دھمکیاں اور متکبرانہ بیانات صرف اس کا نشہ ہی نہیں بلکہ انسانی جانوں کے ساتھ کھلواڑ بھی ہے۔

ایرانی وزیر خارجہ محمد جواد ظریف نے جاری کرونا وائرس کے بحران کے دوران ایران پر عائد امریکی پابندیوں کی طرف اشارہ کرتے ہوئے لکھا کہ ایران کے خلاف زیادہ سے زیادہ دباؤ کی امریکی پالیسی کے مانند دنیا بھر میں کرونا وائرس کے باعث پیدا ہونے والے بحران کے درمیان امریکہ کی طرف سے عالمی ادارۂ صحت کا بحٹ روک لینے کا اقدام تاریخ انسانیت میں ہمیشہ کے لئے امریکہ کے ماتھے پر کلنک کا ٹیکہ ہے۔